دورات جوجل المجانية | شهادة معتمدة من جوجل و كورسيرا

Home

دورات جوجل المجانية | شهادة معتمدة من جوجل و كورسيرا

بدون شهادات دلوقتي تقدر تقدم لشغل في جوجل , بس ازاي؟

أعلنت شركة جوجل بالشراكة مع كورسيرا عن إطلاق 5 مسارات تعليمية جديدة لأي حد عايز يتعلم تحليل البيانات، أو  إدارة المشاريع، أو تصميم تجربة المستخدم, او تطوير الأندرويد, او دعم تكنولوجيا المعلومات

البرامج دي جوجل أطلقتها ضمن مبادرة اسمها انطلق مع جوجل بتهدف من خلالها تعلم الناس مجالات تضمن لهم فرص عمل مجزية هتكلم عنها بتفاصيل أكتر في الكام فقرة الجايين

فيه حوالي 15 شركة عالمية، على رأسهم جوجل وآبل قالوا إنهم هيلغوا شرط إن الشخص اللي هيتقدم على أي وظيفة عندهم يكون معاه شهادة جامعية، وإن أي حد دارس المجال مع حاله، أو عنده سنين خبرة تأهله يقدم على الشغل فـ ممكن يقدم ويا مرحب بيه

عشان تسد الثغرة دي، أطلقت المباردة اللي ذكرتهالك فوق، عشان تقدم محتوى تعليمي الناس تتعلم من خلاله المجالات اللي هتشتغل فيها, سواء هتقدم عندهم أو لأ، وبالفعل بقى عندهم مكتبة ضخمة من الكورسات في أغلب المجالات

بالتزامن مع كده أطلقوا مسارات تعليمية تحت اسم "شهادات جوجل المهنية ودي بتقدم أساسيات مجالات كتيرة للناس يذاكروها ويقدروا بعدها يشتغلوا أول شغل وبعده يكتسبوا خبرة ويترقوا وخلافه 

المسارات المتاحة 

مسار دراسة تحليل البيانات

جوجل بتقول إن فيه 15 ألف وظيفة متاحة في أمريكا لمحللي البيانات اللي لسه بادئين شغلهم بمتوسط رواتب حوالي 63 ألف دولار أمريكي سنويا، وإن المسار مكون من 7 كورسات هياخد بإيدك لدخول عالم تحليل البيانات وتعرف منه كل شيء يساعدك تبدأ أول وظيفة ليك

سجل الآن 

مسار تعلم إدارة المشاريع

وفقا لكلام معهد إدارة المشاريع فبحلول سنة 2027 هيكون فيه حوالي 2.2 مليون وظيفة متاحة في إدارة المشاريع، وجوجل بتقول إن المسار مكون من 6 كورسات هيعرفك كل شيء عن الأدوات المستخدمة والأساليب المتبعة في مجال إدارة المشاريع وتعرفك عن المهارات المطلوبة له، وغيره الكتير

سجل الآن 

مسار تصميم تجربة المستخدم 

جوجل بتقول إن مُرتبات مصممي تجربة المستخدم متوقع له يزيد بشكل مطرد مع الوقت، وإن راتب المصمم المبتدأ منهم في أمريكا بيكون حوالي 82 ألف دولار سنويا، وإن المسار دة مكون من 7 كورسات هيعرفوك على مبادئ ومصطلحات وأدوات المجال زي فيجما وأدوبي ، وكمان لما تخلص هيكون عندك 3 مشاريع تذكرهم في البورتفوليو بتاعك

سجل الآن 

مسار دعم تكنولوجيا المعلومات 

آخر مسارين على كورسيرا، عن تكنولوجيا المعلومات وجوجل هنا بتخيرك بين حاجتين: لو عايز تتعلم المجال من الصفر فبتتعلم كل شيء عن أساسياته من الشبكات لأنظمة التشغيل وخلافه في 5 كورسات مخصصين لتعليمك كل شيء

أو لو كنت ممارس للمجال ده، فعندهم مسار تاني مكون من 6 كورسات بيركزوا على تعليمك بايثون ، إلخ.. في 6 كورسات بس

سجل الآن

مسار تطوير الأندرويد

جوجل بتقول إنك مش محتاج يكون عندك أي خلفية برمجية عشان تبدأ فيه

ده مسار مش كورس، متاح منه 3 وحدات بس، والباقي تحت التطوير، ممكن تبدأ فيه بالراحة، الكورس تفاعلي وممتع كعادة كورسات جوجل

سجل الآن

مدة وتكلفة المسارات المقدمة من شركة جوجل

المسار من دول بيكون متكون من حوالي 7 كورسات مثلًا، وجوجل بتقول إن المسار الواحد تقدر تخلصه في 6 شهور بمعدل مذاكرة 10 ساعات بس كل أسبوع

جوجل بتقدم المسارات دي, المسارات بيبقى فيها كورسات كتيرة مجمعة بترتيب معين,على موقع كورسيرا، تكلفة الاشتراك فيها 49 دولار كل شهر، يعني أقل من 300 دولار للست شهور.مش تكلفة دراسة سنة واحدة في مصر هنا بمصاريف الكتب والمصاريف الشخصية والكلام ده كله، صح

قبل ما تتصدم، متقلقش، كورسيرا بتوفر إمكانية التقديم على طلب الدعم المادي  لدراسة الكورسات دي، يعني تقدر بكل سهولة تدرسها بشكل مجاني تمامًا، يعني ملكش حجة أهوه، وهما 10 ساعات كل أسبوع بس من غير مواصلات ولا وقت تصوير

دورات جوجل المجانية | شهادة معتمدة من جوجل و كورسيرا
24 Jobtalk

Comments

google-playkhamsatmostaqltradent